Sports News

പോള്‍വാള്‍ട്ട് ഒന്നാംസ്ഥാനക്കാരന് പരിക്ക്‌

ഗുരുവായൂര്‍: ജില്ലാ സ്‌കൂള്‍ കായികമേളയുടെ തുടക്കം പരാധീനതകളോടെ. ബുധനാഴ്ച ഗുരുവായൂര്‍ ശ്രീകൃഷ്ണ ഹൈസ്‌കൂളില്‍ നടന്ന പോള്‍വാള്‍ട്ട് മത്സരത്തില്‍ ലാന്‍ഡിങ് മാറ്റിന് പകരം ഉപയോഗിച്ചത് സ്‌പോഞ്ച് ചാക്കുകള്‍. ചാക്കുകള്‍ അടുക്കിക്കെട്ടിയുണ്ടാക്കിയ മാറ്റിനിടയില്‍പ്പെട്ട് ജൂനിയര്‍ ആണ്‍കുട്ടികളുടെ വിഭാഗത്തില്‍ ഒന്നാംസ്ഥാനം നേടിയ വലപ്പാട് ഉപജില്ലയിലെ വി.എസ്. ആദര്‍ശിന്റെ കാലിന് പരിക്കേല്‍ക്കുകയും ചെയ്തു. ഒട്ടും സുരക്ഷിതമല്ലാത്ത രീതിയില്‍ മാറ്റ് തയ്യാറാക്കി പോള്‍വാള്‍ട്ട് മത്സരം നടത്തിയത് ഏറെ വിമര്‍ശനത്തിനിടയാക്കി. കുന്നംകുളം സീനിയര്‍ മൈതാനത്ത് വ്യാഴാഴ്ച മുതല്‍ ട്രാക്ക് മത്സരങ്ങള്‍ ആരംഭിക്കുന്നതിന് മുന്നോടിയായാണ് ഗുരുവായൂരില്‍ പോള്‍വാള്‍ട്ട് മത്സരം നടന്നത്. കുന്നംകുളത്ത് ജമ്പിങ് മാറ്റും സൗകര്യങ്ങളുമില്ലാത്തതിനാല്‍ ഗുരുവായൂരിലേയ്ക്ക് മാറ്റിയ മത്സരം മത്സരാര്‍ഥികള്‍ക്ക് കഠിനമായി.

ഗെയിംസ്: കേരളം മൂന്നാം സ്ഥാനത്ത്

തിരുവനന്തപുരം. ദേശീയ ഗെയിംസില്‍ കേരളം മൂന്നാം സ്ഥാനത്ത്. വനിതാ സൈക്ളിങ് ടീം പര്‍സ്യൂട്ടിലാണ് കേരളത്തിനു സ്വര്‍ണ നേട്ടം. സൈക്ളിങ്ങില്‍ കേരളത്തിന്റെ നാലാം സ്വര്‍ണമാണിത്. ഇതോടെ സംസ്ഥാനത്തിന് 28 സ്വര്‍ണമായി. അത്ലറ്റിക്സിലെയും ഫെന്‍സിങ്ങിലെയും സൈക്ളിങ്ങിലെയും സുവര്‍ണ നേട്ടത്തോടെയാണിത്.ഇനി ആതിഥേയര്‍ക്കു മുന്നിലുള്ളത് ഹരിയാനയും സര്‍വീസസും മാത്രം. സര്‍വീസസിനൊപ്പമെത്തുക ഇനി അസാധ്യമാണെങ്കിലും ഹരിയാനയെ മറികടന്ന് കേരളത്തിന് രണ്ടാം സ്ഥാനം നേടാനാവുമെന്നാണ് പ്രതീക്ഷ. ഇന്നലെ ആറു സ്വര്‍ണം, ഏഴു വെള്ളി, ഏഴു വെങ്കലം എന്നിങ്ങനെയായിരുന്നു കേരളത്തിന്റെ സമ്പാദ്യം.

സൈക്ളിങ്ങിലും വാട്ടര്‍ പോളോയിലും സ്വര്‍ണം

തിരുവനന്തപുരം: നീന്തല്‍ക്കുളത്തിലെയും ഷൂട്ടിങ്ങിലെയും കേരളത്തിന്റെ പൊന്നുവാരല്‍ സൈക്ളിങ്ങിലേക്കും നീണ്ടു. ദേശീയ ഗെയിംസില്‍ സൈക്ളിങ്ങിന്റെ ആദ്യദിനം തന്നെ വി. രജനിയാണ് കേരളത്തിനു വേണ്ടി പൊന്നണിഞ്ഞത്. വാട്ടര്‍പോളോയില്‍ കേരള വനിതകള്‍ സ്വര്‍ണം നേടിയപ്പോള്‍ പുരുഷന്മാര്‍ വെള്ളികൊണ്ടു തൃപ്തിപ്പെട്ടു. ഡൈവിങ്ങില്‍ സിദ്ധാര്‍ഥ് പര്‍ദേശിയും പുരുഷന്മാരുടെ 100 മീറ്റര്‍ ബ്രെസ്റ്റ് സ്ട്രോക്കില്‍ അനൂപ് അഗസ്റ്റിനും അമ്പെയ്ത്തില്‍ പുരുഷ ടീമും സൈക്ളിങ്ങില്‍ ടി.പി.അഞ്ജിതയും കേരളത്തിനു വേണ്ടി വെങ്കലം നേടി. രണ്ടു സ്വര്‍ണവും ഒരു വെള്ളിയും നാലു വെങ്കലവുമാണ് ഇന്നലെ കേരളത്തിന്റെ സമ്പാദ്യം.

Read more...

കിരീടത്തിനരികെ കേരളം

sports001റാഞ്ചി: ഫീല്‍ഡിലും ട്രാക്കിലും വിജയകഥകള്‍ രചിച്ച് കേരളം ദേശീയ സ്‌കൂള്‍ കായികമേളയുടെ കിരീടത്തിനരികെ. 22 സ്വര്‍ണവും 18 വെള്ളിയും 16 വെങ്കലവുമടക്കം 124 പോയന്റുമായാണ് കേരളം കിരീടത്തിലേക്ക് കുതിക്കുന്നത്. മേളയുടെ നാലാംദിനമായ വ്യാഴാഴ്ച ഒമ്പത് സ്വര്‍ണവും നാല് വെള്ളിയും ഏഴ് വെങ്കലവുമാണ് കേരളം നേടിയത്.

Last Updated on Friday, 23 January 2015 10:16

Read more...

ആയിരം ചിറകുള്ള അനന്തു

ananthuറാഞ്ചി: ആയിരം ചിറകുകള്‍ വിരിച്ച്‌ അനന്തു റെക്കോഡിനു മീതേ പറന്നപ്പോള്‍ അമ്പരന്നുപോയി കോച്ച്‌ നെല്‍സണ്‍. കോച്ചിന്റെ പ്രതീക്ഷകള്‍ക്കപ്പുറമായിരുന്നു അനന്തുവിന്റെ പ്രകടനം. അതും തന്നെക്കാള്‍ മുതിര്‍ന്ന താരത്തിനോട്‌ ഇഞ്ചോടിഞ്ചു മത്സരിച്ച്‌.60ാം ദേശീയ സ്‌കൂള്‍ മീറ്റ്‌ കണ്ട ഏറ്റവും മികച്ച മത്സരമായിരുന്നു ഇന്നലെ ജൂനിയര്‍ ആണ്‍കുട്ടികളുടെ ഹൈജംപ്‌ പിറ്റില്‍ അരങ്ങേറിയത്‌. ഡല്‍ഹി താരം തേജസ്വിന്‍ ശങ്കറിനു പിന്നില്‍ വെള്ളി കൊണ്ടു തൃപ്‌തിപ്പെട്ടെങ്കിലും റാഞ്ചിയുടെ ഹൃദയം റാഞ്ചിയാണ്‌ അനന്തു മടങ്ങുന്നത്‌.

Read more...

CONTACTS

+91 9526100091
mail@guruvayooronline.com
 

Call Me Now!





A NEWS PORTAL FROM

 


 

Chat Room

You are here: News Malayalam News Sports News